Hirosima Universiteti

Hirosima Universiteti
広大
Hirosima Universiteti; 広大
	34°22′56″ şm. e. 132°27′29″ ş. u.
Əsası qoyulub	1949
Tələbə sayı	15.066
Ölkə	Yaponiya;
Sayt	hiroshima-u.ac.jp
	Vikianbarda əlaqəli mediafayllar

Hirosima Universiteti (広島大学, Hiroshima Daigaku) — Yaponiyanın Hiqaşirosima və Hirosima şəhərlərində milli—tədqiqat universiteti. Universitet 1929-cu ildə yaradılmış və 1949-cu ildə bir sıra milli təhsil müəssisələrinin birləşməsindən sonra universitet kimi təsis edilmişdir.

Tarixi[redaktə | mənbəni redaktə et]

Milli Məktəb Təsis Qanununa əsasən, Hirosima Universiteti 31 may 1949-cu ildə yaradılmışdır. İkinci Dünya Müharibəsindən sonra Yaponiyada məktəb sistemi tamamilə islahat edilmiş və müharibədən əvvəlki sistemdə olan ali təhsil müəssisələrinin hər biri yenidən təşkil edilmişdir.

Ümumi qayda olaraq, hər prefekturada bir milli universitet yaradılmış və Hirosima Universiteti müharibədən əvvəlki ali təhsil müəssisələrini Hirosima prefekturasında birləşdirərək yeni sistemə uyğun olaraq milli universitetə çevrilmişdir.

Aşağıdakı 8 məktəb yeni təhsil sisteminə uyğun olaraq Hirosima Universitetinə birləşdirilib:^[2]

Hirosima Ədəbiyyat və Elm Universiteti
Hirosima Ali məktəbi
Hirosima Qadın Ali Pedaqojı məktəbi
Hirosima Ali məktəbi
Hirosima Pedaqojı məktəbi
Hirosima Gənclər məktəbi
Hirosima Ali Texniki məktəbi
Hirosima Bələdiyyə Ali Texniki məktəbi

1953-1956-cı illərdə Hirosima Tibb Kolleci Hirosima Universitetinə birləşdirildi.^[3]

İndiki Hirosima Universiteti Yaponiya universitetləri və kollecləri arasında mühüm mövqe tutur. İstehsalat sənayesində bir çox məzunu olan Hirosima Ali Texniki Məktəbi 1920-ci ildə yaradılmış və 1944-cü ildə Texniki Kollec kimi yüksəlmişdir.

Hirosima Ali Məktəbi 1923-cü ildə İmperator və hökumət tərəfindən dəstəklənən digər universitetlər üçün tələbələr hazırlayan müharibədən əvvəlki ali məktəblərdən biri kimi yaradılmışdır. Bu institutlar 6 avqust 1945-ci ildə Hirosimaya atılan atom bombası səbəbindən böyük ziyan görsələr də, yenidən qurularaq, birləşərək Hirosima Universitetinə çevrildilər.

Universitetin Aspiranturası 1953-cü ildə açılmışdır.