Portal:Cənubi Azərbaycan

redaktə   Heydərbaba, ildırımlar şaxanda, Sellər, sular şaqqıldayıb axanda, Qızlar ona səf bağlayıb baxanda, Salam olsun şövkətüzə, elüzə, Mənim də bir adım gəlsin dilüzə — Şəhriyar Cənubi Azərbaycana xoş gəlmisiniz! redaktə   Seçilmiş məqalə Midiya, Mada və ya Maday (yun. Μηδία) — E.ə. 728-ci ildən – E.ə. 549-cu ilədək mövcud olmuş qədim dövlət, şərqdə ilk imperiya. Dövlət ilkin dövrdə tarixi Azərbaycan və ya Şimali İran ərazisində yaransa da tezliklə genişlənərək Ön Asiyanın ən güclü dövlətinə çevrilmiş, bölgə xalqlarının tarixində böyük iz qoyaraq, mədəniyyətinə güclü təsir etmişdir. Mada tayfa ittifaqı əsasən Cənubi Azərbaycandan şərqdə və cənub-şərqdə yerləşən vilayətlərdə təşəkkül tapmışdı. Azərbaycanlıların etnogenezində iştirak edən xalqlardan biri — madaylar tərəfindən qurulmuş ilk imperiya olan Midiya ondan əvvəl Azərbaycan ərazisində yaranmış Manna dövlətinin tarixi, etnik və mədəni varisi hesab edilir. Midiya Mannadan cənub-şərqdə yerləşirdi. Paytaxtı Ekbatan (indiki Həmədan) şəhəri idi.[24][25] Midiya (Maday, Matay, Amaday) adına ilk dəfə e.ə. IX əsr qaynaqlarında rast gəlinmişdir. Midiya ərazisi e.ə. IX-VIII əsrlərdə xırda vilayət hakimləri tərəfindən idarə edilirdi. Mannanın Gizilbunda vilayəti hər iki ərazinin sərhəddini təşkil edirdi Məqaləni oxu... redaktə   Seçilmiş şəkil Təbrizin Göy məscidi redaktə   Seçilmiş şəxsiyyət Səttar xan — İranda Məhəmmədəli Şah hakimiyəti diktaturasına qarşı Məşrutə inqilabının görkəmli xadimi, xalq qəhrəmanı. Səttar xan 1866-cı ildə İranın Cənubi Azərbaycan bölgəsinin Qaradağ vilayətinin Bişək kəndində tacir ailəsində anadan olmuşdur. 1905-1911-ci illərdə baş vermiş Məşrutə hərəkatı Səttar xanı böyük sərkərdə səviyyəsinə qaldırdı. 1907-ci ildə Təbrizin Əmirxiz mahalının azadlıq fədailərinə rəhbərlik edən Səttar xan nümayiş etdirdiyi qeyri-adi qəhrəmanlığı və şücaəti ilə azadlıq fədailərinin sevimli sərkərdəsinə çevrilir. Məqaləni oxu... redaktə   Xarici keçidlər Şəhriyar Məhəmməd Hüseyn Şəhriyar. Türkün dili Şəhriyar və zəmanəmiz Şəhriyar və XX əsr İran ədəbi mühiti [1] Şah İsmayıl Ismāʿīl I at Encyclopædia Britannica Azərbaycanın tanınmış şəxsləri Şah İsmayıl (latın və ərəb qrafikalı əlifbalarda) [2] [3] [4] Səfəvi Dövləti The Safavids www.farhangsara.com  (ing.) THE SAFAVIDS www.art-arena.com  (ing.) [5] redaktə   Təqvim May 8 may 1992ci il — Şuşanın Ermənistan Silahlı Qüvvələri tərəfindən işğalı 14 may 1805 ci il — Qarabağ xanlığının Rusiya imperiyasının tərkibinə qatılması 23 may 1524 cü il — Şah İsmayıl Xətainin ölüm günü redaktə   Tarixə nəzər Səfəvilər İmperiyası,Səfəvilər Dövləti — 1501-ci ildən 1736-cı ilə qədər bugünkü Azərbaycan, İran, Ermənistan, İraq, Əfqanıstan, qərbi Pakistan, cənubi Türkmənistan və şərqi Türkiyə ərazilərini əhatə etmiş, Azərbaycanın varisi olduğu tarixi Azərbaycan dövləti. Dövlətin əsasını I İsmayıl 1501-ci ilin iyul ayında Təbrizdə özünü şah elan etməklə qoymuşdur. İsmayılın tərəfdarlarından ibarət olan Qızılbaşlar ordusunun nüvəsini türkdilli tayfalar təşkil etmişdir. Səfəvilər dövləti həmçinin müasir Azərbaycan milli və dini kimliyinin formalaşmasında böyük tarixi rol oynamışdır. Dövlətin adı onu idarə edən sülalə ilə bağı olaraq "Səfəvilər dövləti" və ya sonradan ərazisinin xeyli genişlənmsi səbəbilə Səfəvilər İmperiyası adlandırılmışdır. Məqaləni oxu... redaktə   Mədəni irsi Seyid Həmzə türbəsi — Təbriz şəhərində müqəddəs məkan və memarlıq abidəsi. Təbrizin müqəddəs sayılan yerlərindən biri də Seyid Həmzə türbəsidir. Seyid Həmzə İmam Museyi Kazımın nəslindəndir. Tarixi mənbələrdə qeyd olunur ki, Seyid Həmzə Sultan Mahmud Qazan xan zamanı böyük məqam sahibi - şahın vəziri idi. Casuslar Seyid Həmzəni şaha çuğulladıqlarından şah onun ölümünə fitva vermişdi. Deyilənlərə görə, hələ qədim zamanlardan kim bura pənah gətirsəymiş, onun günahı bağışlanarmış. Seyid Həmzənin qəbrinin üzərində Həzrət Əli tərəfindən yazıldığı söylənilən, nəfis tərtibatlı bir Quran da qoyulub. Türbənin giriş qapısında Quranın bu ayəsi yazılıb: "Varid olurlar sələmətli və əmin bir yerə". Onun yanında isə Məhəmməd peyğəmbərin "Ey qapıları açan Allah" sözləri yazılıb. Türbənin yanında bir sıra görkəmli şəxsiyyətlərin də qəbirləri var. Məqaləni oxu... redaktə   Mərhəmət Fayl:Xocalı soyqırımı008.jpg 1992-ci il fevralın 25-dən 26-na keçən gecə Ermənistan Silahlı Qüvvələri Rusiyanın 366-cı motoratıcı alayının iştirakı ilə Xocalı şəhərini işğal edərkən, etnik azərbaycanlılara qarşı baş vermiş soyqırım. Qətlə yetirilənlərin sayı 613 nəfər, bunlardan 63 uşaq, 106 qadın və 70 qoca olmuşdur. 8 ailə tam məhv edilmiş, 25 uşaq hər iki, 130 uşaq isə bir valideynini itirmiş, 487 yaralının 76-sı uşaqlar olmuş, 1275 nəfər əsir alınmış, 150 nəfər itkin düşmüşdür. Bu faciə Dağlıq Qarabağ münaqişəsi zamanı baş vermiş ən dəhşətli hadisələrdən biridir. redaktə   Kateqoriyalar Cənubi Azərbaycan İran azərbaycanlıları Cənubi Azərbaycan siyasi təşkilatları Cənubi Azərbaycan şəhərləri Cənubi Azərbaycan coğrafiyası Cənubi Azərbaycanda dəfn olunanlar Cənubi Azərbaycanda doğulanlar Cənubi Azərbaycan ədəbiyyatı Ərdəbil ostanı Cənubi Azərbaycan haqqında filmlər Gilan ostanı Həmədan ostanı Cənubi Azərbaycan qaralamaları Qərbi Azərbaycan ostanı Cənubi Azərbaycan mədəniyyəti Cənubi Azərbaycan mətbuatı Şərqi Azərbaycan ostanı Cənubi Azərbaycan tarixi İran azərbaycanlılarına qarşı təzyiqlər Cənubi Azərbaycanda vəfat edənlər Zəncan ostanı redaktə   Əlaqəli portallar Azərbaycan Qarabağ Qafqaz Albaniyası Azərbaycan tarixi Təbriz