Gürsel İsmayılzadə
| Gürsel İsmayılzadə | |
|---|---|
| İsmayılzadə Gürsel Qüdrət oğlu | |
| 16 avqust 2011 – 15 yanvar 2019 | |
| Əvvəlki | Azər Hüseyn |
Vəzifədədir | |
| 12 mart 2020-ci ildən | |
| Şəxsi məlumatlar | |
| Doğum tarixi | 15 yanvar 1971 (53 yaş) |
| Doğum yeri | |
| Təhsili |
|
| Fəaliyyəti | diplomat |
| Atası | Qüdrət İsmayılzadə |
|
|
|
| Təltifləri |
 |
Gürsel Qüdrət oğlu İsmayılzadə (15 yanvar 1971, Bakı) — Azərbaycan Respublikasının Yaponiyada fövqəladə və səlahiyyətli səfiri.
Həyatı
[redaktə | mənbəni redaktə et]Gürsel İsmayılzadə 1971-ci il yanvarın 15-i Bakı şəhərində anadan olub. Bakıda fars dili təmayüllü 62 saylı məktəbi gümüş medalla bitirib. 1992-ci ildə BDU Şərqşünaslıq fakültəsi ərəb mütərcimləri bölməsindən məzun olub.
1992–93-cü illərdə AMEA Şərqşünaslıq İnstitutunda çalışıb. 1993-cü ildən Xarici İşlər Nazirliyinin Dövlət Protokolu İdarəsinə III katib vəzifəsinə qəbul edilib.
1996-cı ildən XİN-dən Yaponiya Təhsil Nazirliyinin dəvəti və təqaüdü ilə Yaponiyaya təhsil almağa ezam edilib, Tokionun Cyoçi Universitetinin Beynəlxalq əlaqələr fakültəsinə tədqiqatçı kimi daxil olub. 2000-ci ildə Cyoçi Universitetinin Beynəlxalq əlaqələr fakültəsinin doktorluq proqramına (Ph. D.) daxil olub, 2004-cü ildə Beynəlxalq Əlaqələr üzrə fəlsəfə doktoru elmi dərəcəsi alıb.
2005-ci ildə Yaponiyadakı səfirliyimizdə birinci katib, 2006-cı ildə Səfirliyin müşaviri vəzifəsinə təyin edilib.
2010–11-ci illərdə Xarici İşlər Nazirliyi İkinci (Şərq) Ərazi İdarəsinin müşaviri, nazirin katibliyinin müdiri və nazirin köməkçisi vəzifələrində çalışıb.
16 avqust 2011-ci ildə AR Prezidentinin sərəncamı ilə AR-ın Yaponiyadakı fövqəladə və səlahiyyətli səfiri təyin edilib[1].
Prezident İlham Əliyev 15 yanvar 2019-cu il tarixində Azərbaycanın Yaponiyadakı fövqəladə və səlahiyyətli səfiri Gürsel Qüdrət oğlu İsmayılzadənin vəzifəsindən geri çağırılması barədə sərəncam imzalayıb[2].
12 mart 2020-ci ildə AR-ın Yaponiyadakı fövqəladə və səlahiyyətli səfiri təkrar təyin edilib[3].
İngilis, yapon, rus, ərəb dillərini bilir. Evlidir, bir övladı var.
Atası alim, arxeoloq Qüdrət Seyfulla oğlu İsmayılzadədir. 1934-cü il təvəllüdlü Q. İsmayılzadə tarix elmləri doktoru, professor, BDU Tarix fakültəsinin Arxeologiya və Etnoqrafiya kafedrasının müdiridir.
Təltiflər
[redaktə | mənbəni redaktə et]- 3-cü dərəcəli "Vətənə xidmətə görə" ordeni (9 iyul 2019)[4]
İstinadlar
[redaktə | mənbəni redaktə et]- ↑ "G.Q.İsmayılzadənin Azərbaycan Respublikasının Yaponiyada fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 2023-08-14 tarixində arxivləşdirilib. İstifadə tarixi: 2023-08-14.
- ↑ "G.Q.İsmayılzadənin Azərbaycan Respublikasının Yaponiyada fövqəladə və səlahiyyətli səfiri vəzifəsindən geri çağırılması haqqında Azərbaycan Respublikası Prezidentinin Sərəncamı". 2023-08-14 tarixində arxivləşdirilib. İstifadə tarixi: 2023-08-14.
- ↑ "G.Q.İsmayılzadənin Azərbaycan Respublikasının Yaponiyada fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 2023-08-14 tarixində arxivləşdirilib. İstifadə tarixi: 2023-08-14.
- ↑ "Azərbaycan Respublikasının diplomatik xidmət orqanları əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2023-08-14 tarixində arxivləşdirilib. İstifadə tarixi: 2023-08-14.
Xarici linklər
[redaktə | mənbəni redaktə et]- Gursel Ismayilzada and Hasan Murat Mercan: Press Conference — YouTube — Qarabağ müharibələrinə cavab olaraq Tokioda mətbuat konfransı 23.10.2020
|
Şəxs və ya bioqrafiya haqqında olan bu məqalə qaralama halındadır. Məqaləni redaktə edərək Vikipediyanı zənginləşdirin. |