Sultanhəmid Hacıbalayev

Sultanhəmid Hacıbalayev
Azərbaycan Kommunist Partiyası Qusar Rayon Komitəsinin birinci katibi
1970 – 1987
Şəxsi məlumatlar
Doğum tarixi	3 yanvar 1937(1937-01-03)
Doğum yeri	Həzrə, Hil rayonu, Azərbaycan SSR, SSRİ
Vəfat tarixi	3 yanvar 2009(2009-01-03) (72 yaşında)
Dəfn yeri	Qusar rayonu
Təhsili	Azərbaycan Dövlət İqtisad Universiteti, Bakı Ali Partiya Məktəbi
Fəaliyyəti	siyasətçi

Sultanhəmid Şahmərdan oğlu Hacıbalayev (3 yanvar 1937, Həzrə, Hil rayonu – 3 yanvar 2009) — Azərbaycan SSR Ali Sovetinin VIII, IX, X və XI çağırış deputatı, Azərbaycan Kommunist Partiyası Qusar Rayon Komitəsinin birinci katibi.

Həyatı

Sultanhəmid Hacıbalayev 3 yanvar 1937-ci ildə tarixində Həzrə kəndində kəndli ailəsində anadan olmuşdur, milliyətcə ləzgidir. Azərbaycan Xalq Təsərrüfatı İnstitutunu və Sovet İttifaqı Kommunist Partiyası Mərkəzi Komitəsinin yanında Ali Partiya Məktəbini bitirmişdir.

O, 3 yanvar 2009-cu il tarixində vəfat etmişdir.

Siyasi fəaliyyəti

1960-cı ildən Sovet İttifaqı Kommunist Partiyasının üzvü olmuşdur.

1957–1965-ci illərdə Naxçıvan MSSR Dövlət Plan Komitəsinin mühəndis-iqtisadçısı, Naxçıvan MSSR yerli sənaye nazirinin müavini, 1965–1970-ci illərdə Naxçıvan MSSR Dövlət Plan Komitəsi sədrinin müavini, Xalq Nəzarəti Komitəsinin sədr müavini vəzifələrində işləmişdir.

1970–1987-ci illərdə Azərbaycan Kommunist Partiyası Qusar Rayon Komitəsinin birinci katibi vəzifəsində işləmişdir.

VIII çağırış Azərbaycan SSR Ali Sovetinin səhiyyə və ictimai təminat komissiyasının və Azərbaycan Kommunist Partiyası təftiş komissiyasının üzvü olmuşdur.

Mənbə

• Султанһәмид Шаһмәрдан оғлу Һаҹыбалајев // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 397.